FANDOM


کوم وخت چې شپه ښه پخه شوه او خوب په درستې نړۍ لمن وغوړوله زه له خپله بستره پاڅيدم او د ځان سره مې وويل سمندر هيڅکله نه ويده کېږي او د هغه ويښتوب نارامه روحونو ته ارام بښي. زه چې کله ساحل ته ورسيدم نو غبار لا پخوا د غره له څوکو راکوز شوی ؤ او نړۍ يې داسې پڼه کړې وه لکه چې نقاب د يوې ښکلې پيغلې مخ ښايسته کوي. زه هلته ودريدم د موجونو ننداره مې کوله د هغو نغمې مې اورېدلې او په هغه قوت باندې مې غور کاوه چې شاته يې عمل کاوه هغه قوت چې جکړ سره يوځای حرکت کوي ، اورښندوني غره کې غيظ او غضب څرګندوي، کوکيو سره خاندي او سندرغاړو ويالو سره سندرې وائي. لږ شيبه وروسته مې مخ واړاوه ومې ليدل ماته نژدې د يوه کمره په څنډه درې صورتونه ښکاريدل ښه مې وليدل چې غبار هغوي پخپله لمن کې نغښتي وه خو بيا هم رانه بيخي پټ نه وه . زه يوه نامعلومه کشش هغې خوا ته بوتلم چېرته چې د کمره په غاړه هغوي ناست وه. څو قدمه ليرې ودريدم او سترګې مې ورباندې ونښلولې ځکه هلته داسې نااشنا غوندې جادو وه چې زما ټول تصورات پکې ترې تم شول او زما په تخيل کې نارامي پيدا شوه يو يې راپورته شو په داسې أ واز لکه چې د سمندر له تل څخه راخيژي وئې ويل

-بې مينې ژوندون بې ګل او بې ميوې ونه ده. محبت سره جې حسن نه وي بې وږمې ګل او بې خونده ميوې غوندې ده. ژوند، مينه او حُسن د يوه عنصر درې ماهيتونه دي ازاد او لامحدوده چې نه کله بدلېږي او نه يو له بل څخه بيليږي بيا ئې بل راپاڅيده په داسې غږ چې د څپانده سمندر د موجونو شور ورسره ملګری وه وئې ويل بې انقلابه ژوندون د هغه موسم په څير دی چې پسرلۍ نلري . بې صداقته انقلاب د هغې ويالې ته ورته دی چې په وچه او نامعلومه صحرا کې بهېږي . ژوند، انقلاب او صداقت د يوه عنصر درې ماهيتونه دي چې هيڅکله نه يو له بل څخه بيليږي او نه بدلېږي. دا يې وويل او پخپل ځای کيناست. بيا يې دريم راولاړ شو د برېښنا غوندې په تيره اواز ئې وويل بې خپلواکۍ زوندون بې روحه جسد دی. خپلواکي چې پوهه او حکمت ورسره نه وي يو پريشان روح دی . ژوند، خپلواکي او حکمت د يوه ابدي عنصر درې ماهيتونه دي چې هيڅکله نه فنا کېږي. بيا هغه درې واړه ودريدل په ډېر درناوي او جلال ئې وويل مينه او هر څه چې ورنه صادريږي، انقلاب او هر هغه څه چې توليدوي، خپلواکي او کوم شيان چې ترينه پېدا کېږي، دا د کبريايي ذات درې مظاهر دي، کبريايي ذات هغه لامحدوده هستي ده چې پر تعيناتو او کون و مکان باندې محيط دی. بيا داسې چوپه چوپتيا شوه چې د موهومو جسمو تورپېدل او د ناليدلو وزرو پريدل محسوسيدل او بس ما سترګې پټې کړې او هغه اواز ته مې غوږونه ځور کړل چې همدا اوس مې اوريدلي وه . خو چې سترګې مې پرانستلې نو د غبار په لمن کې تاوشوۍ او نغښتۍ سمندر نه پرته مې بل څه ونه ليدل زه هغه کمره ته نور هم ورنژدې شوم ليکن لړۍ لړۍ دودونه مې وليدل چې پاس ختل نور هيڅ نه ښکاريدل.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki